María Badenes

Ponopono aprende a meditar María Badenes

Xa non quedan dúbidas de que a meditación é recoñecida como algo esencial para experimentar profundos efectos beneficiosos a nivel mental e físico. Hoxe en día xa se puido probar a nivel científico que mellora a memoria, desenvolve a atención, fai que poñamos unha maior conciencia nas nosas emocións e as saibamos autorregular moito mellor, tamén mellora a capacidade de tomar decisións e axúdanos a ser persoas máis empáticas. Se ademais temos en conta que a infancia é a etapa vital na que o cerebro se desenvolve maiormente e a neurociencia demostrou que o cerebro se vai moldeando segundo as experiencias, estaremos de acordo en que a meditación contribuirá a que os nosos nenos crezan máis sans e felices. Erroneamente crese que a meditación é algo que necesita anos de práctica e que se debe facer durante moito tempo. Nada máis lonxe da realidade, tan só dez minutos ao día bastan para que notemos os seus efectos beneficiosos nuns catro días.