Jumayeva Gulruh

To'lov Balansini Makroiqtisodiy Tartibga Solish Usullari Va Muammolar Jumayeva Gulruh

Insoniyat o'rtasida qadimgi davrlardan buyon o'zaro oldi - sotdi munosabatlari, savdo aloqalari rivojlanib, mamlakatning boyligini ko'paytirivchi asosiy omil sifatida katta e''tibor qaratilib kelingan. Sababi, dunyodagi hech bir mamlakat tashqi dunyo bilan munosabatda bo'lmay turib rivojlana olgan emas. Shuning uchun ham rivojlanishga bel bog'lagan har bir davlat global bozorda o'ziga ishonchli hamkor topishga, xorij mamlakatlari bilan o'zaro integratsiyalashuvga kirishishga, eksport-import muomalalarini olib borishga, ishchi kuchi migratsiyasini yuritishga, jahon bozorlariga kirib borishga, u yerda o'z o'rnini topishga harakat qiladi. Ana shunday xalqaro moliyaviy munosabatlar bir mamlakatdan boshqa mamlakatga moliyaviy pul oqimlarini oqib o'tishiga turtki bo'ladi. Bunday operatsiyalar esa har bir mamlakatning o'z to'lov balansida aks etadi. Xalqaro operatsiyalarning balans hisob-varaqi mamlakat tashqi iqtisodiy operatsiyalarining ko'lamlari, tarkibi va harakterini qiymat jihatidan miqdoriy hamda sifat ifodasidir.